BACOLOD CITY — Padayunon pa sang city government sang Bacolod ang information dissemination may kaangtanan sa ginapatuman nga No Segregation, No Collection Policy. Nahibaluan nga nagsugod sang Setyembre 1 ang pag-implementar sang pagsulundan bilang pagsunod sa Republic Act 9003 ukon Solidwaste Management Act. Apang suno kay Bacolod City Vice Mayor El Cid Familiaran, chairman sang Solid Waste Action Team, manubo ang compliance sang mga residente sa policy. Target naman sang private collector nga matapos ang orientation sa mga punong barangay sa Biyernes.Tubtub sang Martes, 16 pa lang ka barangay ang naistorya sang IPM Construction and Development Corporation pinaagi sa pag-one-on-one sa mga punong barangay. Ang IPM suno kay Familiaran ang may yara sang schedule sa pagkolekta sang basura kun sa diin ang biodegradable ang ginakolekta sa tagsa ka adlaw sang Lunes, Miyerkules kag Biyernes samtang ang non-biodegradable naman ang tagsa ka Martes, Huwebes, Sabado kag Domingo. Bangud manubo ang compliance sang mga residente suno sa bise alkalde, magapadayon gihapon ang ciudad sa pagpahibalo sa mga pumuluyo nga painon gid ang basura antes ihaboy .
0 Comments
BACOLOD CITY — Ginakalipay sang bise alkalde sang ciudad sang Bacolod nga nakakuha si Mayor Evelio “Bing” Leonardia sang preliminary injunction batok sa dismissal order sini nga gindagdag sang Office of the Ombudsman. Suno kay Vice Mayor El Cid Familiaran personal sini nga ginakalipay nga nagrant ang hirit ni Leonardia. Nagapati ang bise-alkalde nga mabakod ang depensa ni Mayor Leonardia sa dismissal order sang Ombudsman matapos nga napamatbatan ini nga guilty sang grave misconduct kag gross neglect of duty bangud sang maanomaliya nga pagbakal sang P50 milyones nga balor sang furniture and fixtures sa Bacolod City Government Center. Apisar nga si Familiaran ang magabulos kay Leonardia pananglitan wala nagrant ang preliminary injunction, nagpabilin ini sa tupad kag ginsuportahan ang alkalde. BACOLOD CITY - Napaslawan si Mayor Monico Puentevella nga makapadayon sa iya ika-duha nga termino sa pagserbe sa mga Bacolodnon matapos nalutos sa gina patigayonnga election kahapon. Base sa final official result sang canvassing of votes sang city board of canvassers nagpanguna si Congressman Evelio Leonardia sa pagka alkalde sa boto nga 120, 231 batok sa nakuha nga boto ni Puentevella nga 97,993 votes. Samtang daog man ang running mate ni Leonardia sa pagka vice mayor nga si Elcid Familiaran nga may 108, 360 votes samtang si Vladimir Gonzales ang nakakuha sang 86, 611. Sa pagka congressman nagpanguna man si greg gasataya nga may 85, 476 votes batok kay thaddy sayson nga may 84, 431 votes. Ang napulo naman ka mga konsehal amo sanday Cano Tan, Ceasar Distrito, Cindy Rojas, Renecito Novero, Em Ang, Elmer Sy, Ana Marie Palermo, Wilson Gamboa Jr, Dindo Ramos, Bart Orola, Kalaw Puentevella kag Sonya Verdeflor. By Bombo Leneath Antenor-Flores Posted in Bombo Bacolod |
Archives
September 2020
Categories
All
|